بیلمیرم نه دن یازا بیلمیرم
بیلمیرم نه دن یازا بیلمیرم
اوره گین توزون پوزا بیلمیرم
چالا بیلمیرم دویغولاریمی
نه گلیب یئنه سازا بیلمیرم
ایستیرم گلم تاپیلام سنده
آمما اؤزومدن آزا بیلمیرم
فرهاد دگیلم اورک سؤزومو
داشین اوستونه قازا بیلمیرم
سنسیز یانیرام آمما باخیشین
بورونوب نه دن بوزا بیلمیرم
عومورم گئچدی پاییزدا،قیشدا
نئچه ایل قالیب یازا،بیلمیرم
بیر اوجاق تیکه جکسن،
سؤندورمه یه نه وار کی؟
بیر آغاج اکه جکسن؛
سیندیرماغا نه وار کی؟
دادا داد وئره جکسن!
کوله، اود وئره جکسن!
قول-قاناد وئره جکسن!
سیندیرماغا نه وار کی؟
دورمادان، واراجاق سان،
یوللاری، ساراجاق سان،
یان-یانا دوراجاق سان!
یان دورماغا نه وار کی؟
قورتولماغا بوخوودان؛
آزاتمالی بو توودان!
های-داد سالیب آلوودان،
گئن دورماغا نه وار کی؟
گولوش اولاق دوداقدا!
اؤپوش اولاق یاناق دا!
باخیشلاری آیاق دا!
دوندورماغا نه وار کی؟
گؤروش منله!گؤر منی!
اؤپوش منله!سار منی!
حاضیرلانمیش خرمنی،
یاندیرماغا نه وار کی؟
سانما چوخ اوزاقدایام!
هاردا بیر ماسا گؤرسن اوستونده بیر بوتا گول،
دوزولموش ایکی قدح،
دولو سنسن ،بوش منم!
هاردا بیر قفس گؤرسن ایچینده بیر قوش قالیر ،
قریبسه نیر سوزالیر،
یقین بیل او، قوش منم!
چوخ اوزاقدا دئییلم،
کؤکسوندن قوپان بیر آه!
اونودولموش بیر گولوش!
اوره کدن کئچن گؤروش!
گیزلینجه دوداغیندان آلینان اؤپوش منم!
قارانلیق گئجه‌لرده یاسدیغا باش قویاندا ،
کیپریک‌لرین اوجوندان،
دامجیلایان یاش منم!
هارداسا باشماغینین اوجونا داش توخونسا !
سئوینجیندن داشلانان،
او،بختور داش منم !!
سانما چوخ اوزاقدایام!
سنله واراقلاییرام اؤتوب-کئچن آنلاری،
سنله خاطیرلاییرام دؤنه-دؤنه اونلاری،
من باشقا بیر دونیادا،
من باشقا بیر چاغدایام!
من سنین ایچینده‌یم!!
سانما چوخ اوزاقدایام!
سانما چوخ اوزاقدایام!!
هاردا بیر ماسا گؤرسن اوستونده بیر بوتا گول،
دوزولموش ایکی قدح،
دولو سنسن ،بوش منم!
هاردا بیر قفس گؤرسن ایچینده بیر قوش قالیر ،
قریبسه نیر سوزالیر،
یقین بیل او، قوش منم!
چوخ اوزاقدا دئییلم،
کؤکسوندن قوپان بیر آه!
اونودولموش بیر گولوش!
اوره کدن کئچن گؤروش!
گیزلینجه دوداغیندان آلینان اؤپوش منم!
قارانلیق گئجه‌لرده یاسدیغا باش قویاندا ،
کیپریک‌لرین اوجوندان،
دامجیلایان یاش منم!
هارداسا باشماغینین اوجونا داش توخونسا !
سئوینجیندن داشلانان،
او،بختور داش منم !!
سانما چوخ اوزاقدایام!
سنله واراقلاییرام اؤتوب-کئچن آنلاری،
سنله خاطیرلاییرام دؤنه-دؤنه اونلاری،
من باشقا بیر دونیادا،
من باشقا بیر چاغدایام!
من سنین ایچینده‌یم!!
سانما چوخ اوزاقدایام!
سانما چوخ اوزاقدایام!!
واختیندا اوزالدیب کمک الینی
وئرمه دین منیم له ال اله دونیا
نه ییمه لازیم دی واختی کئچنده
گؤیدن قیزیل یاغدیر لعل اله دونیا
یولسوز یوخوشلاردا یوردون بیزلری
آهین لا قوروتدون گؤی دنیزلری
قوی کسسین چیگنیمی کندیر ایزلری
دردی درد اوستوندن شله له دونیا
آجی یئل اوستومدن اسدیکجه اسدی
قار یاغدی یولومو باغلادی کسدی
گل منی یاندیرما بو قدر بسدی
من کی نه کرمم نه له له دونیا
آشیلماز داغلاری من نئجه آشیم
زلیم خان ، غصه دن چاتیلیب قاشیم
او سنین داشین دی بو منیم باشیم
نه قدر ایسته سن گل اله دونیا
کتاب خاقانی شیروانی اوره ک دویونتولری
نمونه اشعار
دئدین کی، اولارام من سنه کومک
داریخما، صبر ایله درده دوزه رک
آخی ، صبر هانی ، اقتدار هانی ؟
مین دردله دولودور بیر تیکه اوره ک
***
ای بختی خوش اولان ، ذکاسی کامیل
بو دنیا مالینا گل اولما مایل
صاباح بدنیندن چیخان کیمی جان
دوشمنلر مالینی یئیه جکدیر ،بیل
***
یاتاندا یوخومدان چیخمیر خیالین
اویاندیم ،فکریمده گزیر وصالین
قلبیمی ، جانیمی قوربان ایسته سن
اولسون هر ایکی سی سنین حلالین
***
دئدیم : نه گوجون وار، ای بویوک سولطان
دئدی : نه ایسته سن ائده رم احسان
دئدیم : بوش دانیشدین ، قدرتین وارمی
گئچمیش بیر گونومو سن قایتاراسان ؟
حجم:2مگابیت
نوع فایل: pdf
تعداد صفحات:112
لینک دانلود کلیک کنید
DOWNLOAD
قلبیم ده سنین منده سنین جان دا سنین دیر
ییخسان داغیدیب محو ائدیب آتسان دا سنین دیر
گوندوزلری هیجرانینا یوخ تابی-توانیم
هیجران گئجه سینده نه جفا چکمه دی جانیم!
سن گول منه گول! گول بوحیاتین اوءزو گولسون
بال شهدی-لبیندن سوزولوب شعره توءکولسون
آچ زولفونو قوی دان یئری چوءهره نده سوءکولسون
قوربان دیله سین جان دیله سین جان دا سنین دیر
گؤزلری‌نین یاشینی سیل آغلاما
بیلیرم چتیندیر سندن آیریلماق
گؤزلری‌نین یاشینی سیل آغلاما
سنه ده عذابدیر منسیز تک قالماق
گؤزلری‌نین یاشینی سیل آغلاما
سئوینجلی، کدرلی گونلر گؤرموشوک
دردیمیز بیر اولوب بیرده بؤلموشوک
بیز بیر- بیریمیزدن آیری قالمیشیق
گؤزلری‌نین یاشینی سیل آغلاما
بیلیرم یانیمدا اولمایاجاقسان
بلکه ده سن منی اونوداجاقسان
قبریمین اوستونده آغلایاجاقسان
گؤزلری‌نین یاشینی سیل آغلاما
سن منی گؤروب دلی اولاجاقسان
حالیما بیر باخیب سن دوناجاقسان
منیم یئریمه سن قوجالاجاقسان
گؤزلری‌نین یاشینی سیل آغلاما
بیر چتین یولدو عذابدی محبت
گوندوزو پیس گونه قویدو محبت
منی باخ بو حالا سالدی محبت
گؤزلری‌نین یاشینی سیل آغلاما
ای عاشیق نینیرم هیجرانی، غمی
منه سوئنجیدن ،وصالدان دانیش
نینیرم حسرتی ، نینیرم بمی
هارای چه ک، زیل اوخو، کامالدان دانیش
سوئله بودونیانین نه چه دیر یاشی
سوئله بو ازویون نئه چه دیر قاشی
سوئله خومار گوزدن آخماسین یاشی
او داغلار گوزلی ، مارالدان دانیش
حیات یاشاماقدی اولمه ک دن دئمه
کول اولوب، گوز اولوب، سونمه کدن دئمه
عهدینی باغلاییب ، دونمه کدن دئمه
عشقدن ، سئوگیدن ، خیالدان دانیش
منه خزلدن یوخ چیچه کدن اوخو
آرخامدا حاق آدلی کومکدن اوخو
آنام پیشیردیگی چورکدن اوخو
آتامین قازانجی حالالدان اوخو
منی گئشمیشیمه قایتاران عاشیق
منه بابالاردان پای قالان عاشیق
اوتوروب زیروده ساز چالان آشیق
سن ائلدن ، اوبادان ، ماهالدان دانیش
سنه سوز وئرمیشم ، آی گوزل صنم
ظن ایتمه سوز وئریب سوزومنن دئنن
شاعرلر ایچینده خسرو خان منم
دوداقدان ، یاناقدان ، جامالدان دانیش
بو مریض درد عشقه بیر پرستار آرزیدی
بیر حقیقت آختاران انسان غمخوار آرزیدی
عشق باغیندان گئچرکن اوخ دییبدیر سینمه
دردیمه درمان ائدن یار وفادار آرزیدی
گونده یوخ ای نازنین ای عشق ائوین ویران ائدن
ایلده بیر گون گورمه یه رخسار دلدار آرزیدی
من سنون عشقون یولوندا عمریمی اتدیم هلاک
بیلمه دیم تکجه سنه ای یار اغیار آرزیدی
وبلاقا گؤره
اولو تانرنین آدیلا بو وئبلاق دا آزربایجان و ایران دا یاشایان تورکلرین دیل، مدنیت، فولکلور، کولتور و تاریخینی تانیتدیرماغا چالیشاجایخ
سون یازیلار
بؤلوملر
آچارسؤزلر
سورغو
باغلانتی لار
ساخلانج
سایغاج
- ایندی وبلاقدا :
- بو گونون گؤروشو :
- دونه نین گؤروشو:
- بو آیین گؤروشو :
- بوتون گؤروشلر :
- یازیلار :
- باخیشلار :
- یئنیله مه چاغی :