سن او تایدا من بو تایدا آرالی
کؤنلوم درد ایلندن اولوب یارالی
یانیما گل آذربایجان مارالی
گولوشونله جانیمی آل سئوگیلیم
ائله باهار کیمی سئوه یدین منی
بیر آغاج اولایدیم باخیشلاریندا
آچیب حیس لریمی قیز ساچی کیمی
آخیب دورولایدیم باخیشلاریندا.
گزیب دولانــــــــــــاندا ائلی اوبانی
سینیق کونوللری شــــــاد ائله گیلن
چالیش اورتاق اولمــــا شره بهتانا
فیکرینی شیطاندان یاد ائلـــه گیلن
آراییب حقیقت آختار جـــــــــهاندا
یاخشی پیسه نظــــر ائله هر یاندا
ظالمکار الینده داردا قـــــــــالاندا
قارشی سیندا دایان داد ائله گیلن
یوسف سویله گیلن حـاق حقیقت
حاقدان خلق اولونوب بــــو شانلی خلقت
ایستسن کی باشین اولا سلامت
هر ایشده اللــــهی یاد ائله گیلن
آمان آیریلیق بۇ داریخدیران دۇمان آیریلیق،
باشا سوْورولان سامان آیریلیق.
آمان آیریلیق، آمان آیریلیق،
آمان آیریلیق، آمان آیریلیق.
بیر گؤزون آچار، بیر گؤزون یۇمار،
آرازی سرین گؤردوکده اۇمار،
هئزئرعی درین گؤردوکده جۇمار،
جان دریاسینا جۇمان آیریلیق،
آمان آیریلیق، آمان آیریلیق.
آرازیم وۇرسون باش داشدان داشا، گؤز
سن،
یانغین دادینی آنلامایان کول.
بیر پولیس کیمی دوشونجه شعریمه
قانلی ساواشلاردان قورتولان اوره ییمی
اؤلدوردون.
سن،
بیلمه دن...
اومید وئر منه!
اینام وئر منه!
یامان داریخیر،
سفره چیخیر
منیم کؤنلومده‌کی خیاللار یئنه،
بلدچی یئرینه اومید وئر منه.
دیلکلر اومیدله بیرگه دوغولسا،
یئرین ترکینده ده اوجالار اینسان.
آرزومو تاپماغا اومیدیم اولسا،
منزیل باشیندایام، یولا چیخمادان.
اومیدله قویارام داغی داغ اوسته.
ائی کؤنول، اؤزوندن سن اومید ایسته!..
ایندی‌یه دک
گونش‌له یاغیش بیر یاتاقدا یاتماییب
یاغیش آتش‌له بیر صندلی‌ده اوتوروب عاییله آلبومونو سئیر ائتمه‌ییب
یئل‌له شمع آلوونون تانگوسو اوزون سورمه‌ییب
پتک‌چی‌لریسه آری‌لارین قیشا حاضیرلادیغی بالی حؤرمت‌له اوغورلاییب‌لار
قیشین باهارا فانات اولدوغونو هئچ بیر آکادئمیک تئز انکار ائده بیلمه‌ییب
آنجاق
قیش چمدانی‌نی باغلامادان باهار گلمه‌ک اوچون بلیط آلماز
دئییرم آرزولاری بوراخیم
گئدیم،گله‌سن
بو فصیل سنین‌له داها گؤزل اولاجاق
بعضن گؤزل‌لییین نفعینه قیراغا چکیلمک گرک
بونو بیر بولودون وصیت‌نامه‌سینده اوخودوم
آیدیـــــــن آراز
اوره یینه دئه اوزولمه سین
سون یارپاق دا اوزولسه
قیش باشلاناجاق دیر
وبلاقا گؤره
اولو تانرنین آدیلا بو وئبلاق دا آزربایجان و ایران دا یاشایان تورکلرین دیل، مدنیت، فولکلور، کولتور و تاریخینی تانیتدیرماغا چالیشاجایخ
سون یازیلار
بؤلوملر
آچارسؤزلر
سورغو
باغلانتی لار
ساخلانج
سایغاج
- ایندی وبلاقدا :
- بو گونون گؤروشو :
- دونه نین گؤروشو:
- بو آیین گؤروشو :
- بوتون گؤروشلر :
- یازیلار :
- باخیشلار :
- یئنیله مه چاغی :