آذربایجان

اوزوک کیمی ایتیرمیشم قاشیمی

0 گؤروش

یازار:‌ سمیرا

اوزوک کیمی ایتیرمیشم قاشیمی

تاپانمیرام وفالی یولداشیمی

بولود قویور باشینی داغ چینینه

من قارا گون هارا قویوم باشیمی

ایسته میرم یاریم گوروب اینجی یه

گیزله دیرم گوزومده گوزیاشیمی

باشماق کیمین زیوار سیزام حیف اولا

تاپانمیرام دردیمه کفاشیمی

نقاش اولوب خیالینده چکیردیر

اول دوداغ ، سونرادا گوز ـ قاشیمی

رنگی قوتولدی بوشلادی طرحیمی

گورمه دیم اوندان سورا نقاشیمی

مسافر اولدوم حیف اولا تانیش یوخ

ایق دالیمدا پیشیره آشیمی

پایلاش :

پنجشنبه 16 بهمن 1393

بؤلوملر : تورکجه شعرلر,

آنا دیلیم

+0 به یه ن

0 باخیش

0 گؤروش

یازار:‌ سمیرا

آنا دیلیم

دونه دونه وقتسیز سولان چیچکلری

تاریخ بویو نیسگیل اولان دیلکلری

یاشام اوچون هپ چرپینان اوره کلری

گوی قورشاغی قانادیندا اوچوشدوران

تورپاق یاشدا سایالارین گؤزگوسونده

مین ایللرین ایزلرینی

گونوموزله باریشدیران

آنا دیلیم

اؤز ائوینده چاغریلمامیش قوناق اولان

اؤز ائلینین دوداغیندا

اؤز یوردوندا یاساق اولان

شیرین دیللی وفاسیزلار دوزاغیندا

قولو باغلی دوستاق اولان

دیلیم دیلیم پارچالانان

سپه له نن

پایلاش :

پنجشنبه 16 بهمن 1393

بؤلوملر : تورکجه شعرلر,

دونیا

+0 به یه ن

0 باخیش

0 گؤروش

یازار:‌ سمیرا

" نه سنین دیر نه منیم دیر بو دونیا "

"دونیا منیم دونیا منیم دیه ن لر"

"نه سنین دیر نه منیم دیر بو دونیا"

"گوزل گزیب، گوزل ایچیب، ییه ن لر"

"نه سنین دیر نه منیم دیر بو دونیا"

هر عاشیقه ویر مه لیدیر مین غمی

نادوزه او گورسادان دیر مین چمی

آشیق کی سن چالیر سن ساز,دیلغمی

نه سنین دیر نه منیم دیر بو دونیا

چوخ کاسبی سالیب دیر او ,اوجادان

جوان لیقی آلیب دیر هر قوجادان

آی, دنیا یا بیر گوز باخان باجادان

نه سنین دیر نه منیم دیر بو دونیا

پایلاش :

پنجشنبه 16 بهمن 1393

بؤلوملر : تورکجه شعرلر,

شبسترلی معجز

+0 به یه ن

0 باخیش

0 گؤروش

یازار:‌ سمیرا

گل ای عزرائیل
آرزوائله دیگیم شیلره اولدوم نائل

ایندی راحت وئریرم جان، گل ای عزرائیل
اوتوزایل ایشله دی نودان باشیما بو کتده
ایت ایلن قول بویون اولدوم گئجه لر ظولمتده
ایچدی زهراجلی ، قالمادی طاقت ایتده
ایندی راحت وئریرم جان، گل ای عزرائیل

یاندی هریاندا چیراق اولدی گوزوم نورانی
کومسیان غیظه گلیب سالدی یئره نودانی
آشدی میخانه،ایچیب تازه لدیم ایمانی
ایندی راحت وئریرم جان، گل ای عزرائیل

آچ گوزون ایله نظرمدرسه ی نسوانه
گورنئجه نامه یازیر قیزلاریمیز هریانه
وئر خبر مرده شیره، روضه خوانا، گورکانه
ایندی راحت وئریرم جان ،گل ای عزرائیل

وئردی مژده بوگون، ملته شیخ فاضل
دئدی: جنتده نه وار چای نه مشد اسماعیل
قلبدن چای جیغالا غصه سی اولدی زائل
ایندی راحت وئریرم جان، گل ای عزرائیل

ساعت نحسده هرگز سفر ائتمز ملت
نه طوی ایله ر، نه ده شنلیک بئله مومن ملت
قمر عقربده دگیر، خوشدی بوگونلر ساعت
ایندی راحت وئریرم جان، گل ای عزرائیل

عید نوروز گلر، خوشدل ائده ربزازی
ار فقیر اولسا، بوغار غصه و غم گولنازی
چیت باهادیر خانیمی من نئجه ایلیم راضی؟
ایندی راحت وئریرم جان، گل ای عزرائیل

چیخدی قیش درزی تیکه رخلقه، لباس فاخر
وارلی سققالی بویار رنگیله،یوخسول باخیر
ئولمه دیم آخیری، چرشنبه نی گوردوم آخر
ایندی راحت وئریرم جان، گل ای عزرائیل

معجزین سن شریفی اولوب آتمیشدان چوخ
یوزمین ایلده یاشاساعاقبتی یوخدور یوخ
یتمیشم یئدی لوینی، پلووی قارنیم توخ
ایندی راحت وئریرم جان، گل ای عزرائیل

یازان: شبسترلی معجز

پایلاش :

پنجشنبه 16 بهمن 1393

بؤلوملر : تورکجه شعرلر,

عمادالدین نسیمی

+0 به یه ن

0 باخیش

0 گؤروش

یازار:‌ سمیرا

دونیادا ایز بوراخان تورک بؤیوک‌ لری(عمادالدین نسیمی)

نسیمی آذربایجان ساحه‌سینده اسکی اوغوز تورکجه‌سی شعر دیوانی یازان ایلک شاعر کیمی تانینیر

آذربایجان، آنادولو، ایران، عراق، سوریه ساحه‌لری باشدا اولماقلا تورک دونیاسی‌نین بؤیوک بیر قیسیمینده درین تأثیر بوراخان، اثرلریله تورک تصووف ادبیاتیندا اؤزونه خاص بیر جیغیر آچان شخصیت‌لردن بیری ده عمادالدین نسیمی‌‌دیر.
نسیمی، 14. عصرده یاشامیش‌دیر. آذربایجان ساحه‌سینده اسکی اوغوز تورکجه‌سی شعر دیوانی یازان ایلک شاعر کیمی تانینیر. فارسجا و عربجه ده دیوان‌لار اولان نسیمی‌نین عرب دیوانی الیمیزه چاتمامیش‌دیر. لاکین ایکی دیلده یازدیغی شعرلرین‌دن عربجه‌یه ده واقف اولدوغو گؤرولمکده‌دیر.
نسیمی‌نین دوغوم یئری و تاریخی حاقیندا قطعی معلومات یوخ‌دور. لاکین 1369-1370 ایللرینده، آذربایجانین شاماخی شهرینده دوغولدوغو اولاسی‌دیر. عراق تورک آراشدیرماچی‌لاری، نسیمی‌نین بغداد یاخینلیغیندا دوغولدوغونو، عراق تورکمن شعری‌نین قوروجوسو اولدوغونو ایفاده ائدرلر. نسیمی‌نین گئرچک آدی علی‌دیر. آتاسی سید محمد دؤورونون تانینمیش بیری ایدی. نسیمی، "سید"، حسینی "و" نسیمی "مخلصلرییلا شعرلر یازمیش‌دیر.
-----------
آراشدیرماچی‌لارا گؤره، نسیمی ایلک تحصیلینی شاماخیدا تاماملامیش‌دیر. کیچیک یاشلاریندان‌ بری شعره و فلسفه‌یه ماراق گؤسترن نسیمی، اؤزون‌دن اوّلکی بؤیوک شاعرلرین اثرلرینی اوخوموش، اونلاری قاوراماغا چالیشمیش‌دیر. نسیمی ان چوخ 10-جو عصرده بغداددا اعدام ائدیلن حلاج منصورون طریقتینی بئینمیشدی.
نسیمی‌نین یاشادیغی دؤور، امیر تیمورون بؤلگه‌نی اله کئچیرمه‌یه چالیشدیغی دؤوردور. بو دؤورده آذربایجاندا میرانشاه حاکمیتی سوروردو. "حروفی‌لیک" تریقتی ده تام بو دؤورده یاییلماغا باشلادی و نسیمی ده عایله‌سیله بیرلیکده بو طریقتی منیمسه‌دی. حروفی‌لیک طریقتی‌نین قوروجوسو تبریزلی فضل الله نیمی ایله شیرواندا یاخین‌دان گؤروشن نسیمی، اوّل اونون اؤغرنجیسی و داها سونرا دا اونون ان اهمیت‌لی داوامچی‌سی و خلیفه‌سی اولدو. لاکین فضل الله نیمی، امیر تیمورون اوغلو میرانشاه طرفین‌دن توتولا‌راق علینجه قالاسی یانیندا فجیع بیر شکیلده اؤلدورولدوق‌دن سونرا، آذربایجان‌دان آنادولویا گئتدی. آنادولودا اولدوغو مدتجه حروفی‌لیگی یایماغا چالیشان نسیمی، اورا‌دان دا حلبه گئتمک مجبوریتینده قالدی. بوتون حروفی‌لر کیمی هر یئرده تعقیب ائدیلن نسیمی، نهایت 1417-جی ایلده حلبده دریسی سویولاراق اؤلدورولدو.
-------
نسیمی، ایدئالیست بیر شاعر ایدی. اسکی اوغوز تورکجه‌سی، خصوصیله آذربایجان ادبیاتیندا یازیلمیش اولان ایلک فلسفی شعرلر اونا عاییددیر. چاغی‌نین مشهور اولان ایدئولوژیسینه قارشی چیخان نسیمی، قوران کریم‌دن ایلهام آلا‌راق، اینسانی حاقین یئر اوزون‌دکی محضری کیمی گؤرور و شعرلرینده بو فیکری مدافعه ائدیردی. نسیمی، پانتئیزم و یا "وحدت وجودا" اینانیردی. اونا گؤره، جیسیم و روح بیر بوتون‌دور. کامیل اینسانا حؤرمت ائدیلمه‌لی و اینسان، عقلی و معنوی دگرلرینه صاحب چیخما‌لی‌دیر.
نسیمی، بوتون باسقی‌لرا باخمایا‌راق یاخین و اورتا شرق اؤلکه‌لرینی تأثیر باشارمیش‌دیر. اونون بؤلگه اؤلکه‌لری‌نین شعرینده گتیردیگی یئنی‌لیک، عصرلر سونرا یازیلمیش اولان شعرلرده ده گؤرونمکده‌دیر. حبیبی، فضولی، ختای و قوسی کیمی شاعرلر اوزرین‌دکی تأثیری، آنادولو بکتاشی‌لرین آراسین‌داکی اهمیت‌لی یئری، هر کس طرفین‌دن بیلینمکده‌دیر.
شاعر، شعرلرینده جاهیل اینسان‌لاری تنقید ائدیر، حیاتین گؤزل‌لیک‌لرین‌دن ایلهام آلماغا چاغیریر. اونون لیریک عاشیقانه شعرلری، طبیعتی تصویر ائدن غزل‌لری، اوخوجونون گوزللیک ذوقونو اوخشایار. نسیمی عینی زاماندا حاکم طبقه‌نین ظلم و عدالت‌سیزلیگینی، ایستیلاجی‌لارین اوغرولوقلارینی، اونلارا خیدمت ائدن اینسان‌لارین خیانتینی گؤسترن اثرلر ده یازمیش‌دیر. بؤیوک سؤز اوستاسی اولان شاعرین اثرلری ادبی یؤن‌دن بؤیوک بیر صنعت‌کارلیقلا ایشلنمیش، استئتیک دگری یوکسک بیر اوصلوبلا قلمه آلینمیش‌دیر.
نسیمی‌نین صنعتی اینسان گؤزل‌لیگینه، اینسان گوجونه حیران‌لیقلا دولو بیر مارش کیمی‌دیر. لاکین بو گؤزل‌لیک، بو گوج دونیا‌داکی بوتون اینسان‌لارا دئییل، یالنیز اؤزونو تانیمیش، آنلامیش کامیل اینسان‌لارا خاص‌دیر.
عمادالدین نسیمی‌نین آنا‌دان اولماسی‌نین 600. ایلدؤنومو یونسکونون لیدرلیگینده بؤیوک مراسیم‌لرله دونیانین بیر چوخ یئرینده قوتلانمیشدی. اونون تورکجه شعر دیوانی سووئت‌لر دؤورونده آذربایجاندا عرب حرفلریله نشر اولونموش، اونونلا علاقه‌دار اونلارلا علمی فعالیت ائدیلمیش‌دیر. آذربایجان جمهوریتی‌نین ان اهمیت‌لی دیل تشکیلاتی اولان "دیلچی‌لیک انستیتوسو"، نسیمی آدینی داشیییر. آیریجا نسیمی‌نین حیاتی، فیلمی فیلمی اولا‌راق دا ایللر اوّل ائدیلمیش‌دیر.
تورکیه‌ده ده نسیم ایله باغلی یوکسک لیسانس و دوکتورا تزلریله بیرلیکده، علمی سمپوزیوم‌لار و علمی کیتاب و مقاله‌لر نشر اولونموشدور.

پایلاش :

پنجشنبه 16 بهمن 1393

بؤلوملر : دونیادا ایز بوراخان تورک بؤیوک‌ لری حاقندا ,

کؤلگه‌لر دنیز

+0 به یه ن

1 باخیش

0 گؤروش

یازار:‌ سمیرا

کؤلگه‌لر قارانلیق، کؤلگه‌لر ایشیق؛
گئجه‌لر اوزوندور، گئجه‌لر قارا.
قارانلیق سالانین اؤز ائوی ایشیق؛
ایشیق‌لار سالدیراق قارانلیقلارا.

کؤلگه‌لر سئوگی‌دیر، کؤلگه‌لر بولاق،
بولاقلی کؤنلومون ایچی‌دیر یارا.
کؤلگه‌لر باهاردیر، کؤلگه‌لر چیراق،
ایشیق سالدیریب‌لار قارانلیقلارا.

کؤلگه‌لر اورمان‌لار، کؤلگه‌لر چای‌لار،
داملا آشارلارا، گؤی اورمان‌لارا.
کؤلگه‌لر بولوت‌لار، کؤلگه‌لر داغ‌لار
داغلار چوبان‌لارا، نفس جان‌لارا.

بویاقلی قورشاق‌لار، قارلی بولاق‌لار،
قورشاق‌لار دولاشیر یاشیل باهارا.
کؤلگه‌لر دولاشیق، الوان بویاق‌لار،
مسکن‌دیر کؤلگه‌لر قارلی قیش‌لارا.

گئجه‌قوشولاردیر قارانلیق سئون،
کؤلگه سالدیریرلار ایشیقلیق‌لارا.
یانار بیر چیراغام، ایشیقلیق سئون،
انسانی دانانلار قلب‌لری قارا.

قارانلیقدا قالماز اودلار اؤلکه‌سی
خزر داغلاری‌نین دؤش‌لری یارا.
جوشغون محبتی، سئوگی کؤلگه‌سی
انسانلار بیر- بیره، بیز انسان‌لارا.

انسان ائولادینا عشق آماجیم وار،
آزادلیق ایستیرم من انسانلارا.
ایچیمده قاینایان فیرتانالار وار.
باهار گتیره‌جک بوتون جان‌لارا.

پایلاش :

پنجشنبه 16 بهمن 1393

بؤلوملر :

...

+0 به یه ن

2 باخیش

0 گؤروش

یازار:‌ سمیرا

پایلاش :

پنجشنبه 16 بهمن 1393

بؤلوملر :

علی اکبر صابیر

+0 به یه ن

0 باخیش

0 گؤروش

یازار:‌ سمیرا

ملت نئجه تاراج اولور اولسون نه ایشیم وار !
دشمنلره محتاج اولور اولسون نه ایشیم وار !

سس سالما یاتانلار آییلار قوی هئله یاتسین
یاتمیشلاری راضی دگیلم کیمسه اویاتسین
تک-تک آییلان وارسا دا حق دادیما چاتسین
من سالیم اولوم جمله جهان باتسا دا باتسین

ملت نئجه تاراج اولور اولسون نه ایشیم وار !
دشمنلره محتاج اولور اولسون نه ایشیم وار !

سالما یادیما صحبت تاریخ جهانی
ایام سلفدن دیمه سؤز بیرده فلانی
حال ایسه گتور میل ائلیوم دولمانی نانی
مستقبلی گؤرمک نه گرک عمردور فانی

ملت نئجه تاراج اولور اولسون نه ایشیم وار !
دشمنلره محتاج اولور اولسون نه ایشیم وار !

اولاد وطن قوی هئله آواره دولانسین
چیرکاب سفالتله الی باشی بولانسین
دول عورت ایسه سائله اولسون،اودا یانسین
آنجاق منیم آوازه شأنیم اوجالانسین

ملت نئجه تاراج اولور اولسون نه ایشیم وار !
دشمنلره محتاج اولور اولسون نه ایشیم وار !

هر میلت ائدیر صفحه ی دنیاده ترقی
ایلر هره بیر منزل ماواده ترقی
یورغان دوشه گیمده دوشه گر یاده ترقی
بیزده ائده ریک عالم رویاده ترقی

ملت نئجه تاراج اولور اولسون نه ایشیم وار !!!
دشمنلره محتاج اولور اولسون نه ایشیم وار !!!

پایلاش :

چهارشنبه 15 بهمن 1393

بؤلوملر :

ارک قالاسی

+0 به یه ن

0 باخیش

0 گؤروش

یازار:‌ سمیرا

یئنه دوشدون یادیما سن ،سو چیله دین اودوما سن
اؤزون سؤندور اودومو سن ، ارک قالاسی

بیتمیر اینتیظارین سنین ، اؤز یارامدیر یاران سنین
دی ساغ قالدی هاران سنین ارک قالاسی ؟؟؟

گوله لردن گؤز - گؤز اولدون ، بیر دوداقدا مین سؤز اولدون
من سنسیز ، سن منسیز اولدون ارک قالاسی

دومانلار دون بیچدی سنه ، زامان حسرت سئچدی سنه
بو نه پاییدی دوشدو سنه ارک قالاسی ؟؟؟

بعضا گولدون چیچک-چیچک ، شفقلردن آلدین مین رنگ
بعضا دیندین کؤره ک-کؤره ک ارک قالاسی

قالا دینمز،سنسه دیندین ، ائشیدین من وارام- دئدین
ارک آدلی ندایا دؤندون ارک قالاسی

کاش کی ناغیل اولا دردین ، او داغ دردین قالا دردین
ایسته مه رم قالا دردین ارک قالاسی

لچکلندی نئچه نغمه م ، کؤرپه نغمه م ، اینجه نغمه م
اولایدی کؤنلونجه نغمه م ارک قالاسی

بو آیریلیق اؤته ری دیر ،حسرتی وصال اریدیر
کؤنلوم اومید شهری دیر ارک قالاسی

سن تبریزین بالاسی سان ، سن ظفرلر چالاسی سان
سن ابدی قالاسی سان ارک قالاسی ، ارک قالاسی .....

پایلاش :

چهارشنبه 15 بهمن 1393

بؤلوملر :

محمد بی ریا

+0 به یه ن

1 باخیش

0 گؤروش

یازار:‌ سمیرا

ای اؤلکه می ظولم ایله قویان دهرده ویران
محکوم اولا بیلمز سنه بوندان سورا اینسان
اینسان ازلیندن یارانیب اشرف مخلوق
لایق دگیل اصلاً اونا زنجیر ایسارت

پایلاش :

چهارشنبه 15 بهمن 1393

بؤلوملر :