ینه گونلوم دارخیب الده قلم من یازرام

سنده گوردوم اوزومی گور منی ده سن یازارام

منی سنده آیران بیرجه اولوم دور گوزلیم

اولورم سندن اوتور هر گون اولومدن یازرام

گوزلرین دییر دولانیر سانگی منیم دونیامدا

یازرام گوزلرینه دونمه سوزونن یازرام

یدی دفعه دولانیم باشوا سونرا یخلیب

کعبه عشقه گلیب اوز وطنیمدن یازرام

منی دیوانه ائدیب باخ اوزومه گلممیشم

سن منی مندن آلیب من سنی سندن یازرام

داملا داملا توگولن گوز یاشنی من ایچیرم

یاناغیندان سوزولن گولری دن دن یازرام

من گوزونن توشورم بلکه یاناغیندا اولم

من کیمم من من ائدم سانگی اوزومدن یازرام

دومانام من یازرام آغلایرام یاریم اوچون

قارا گوزدور یاشادان منده گوزونن یازرام

بو شعر دیکلمه سینی بوردان ائندیره بیلرسیز

یئنه تک قویدون منی

دولوب داشان دونیادا

یئنه من غریب اولدوم

اوز قوردوغوم رویادا

سن اورکدن گولنده

یاغیش منه آغلادی

ایسلانارکن خیالین

ووجودومو داغلادی

گوزلریمی باغلادین

هله جانیم چیخمامیش

سن گئده نده ییخیلدیم

اولوم منی ییخمامیش

سن او تایدا من بو تایدا آرالی

ائله باهار کیمی سئوه یدین منی

بیر آغاج اولایدیم باخیشلاریندا

آچیب حیس لریمی قیز ساچی کیمی

آخیب دورولایدیم باخیشلاریندا.