سئوگی سئون مرد اولار

سئوگی سئومک درد اولار

سورئیدیم سئوگی قوشون

گؤرئیدیم نه رنگ اولار

موغانین گؤی چیمه نی

گزمه گه گؤی چیمه نی

یا گزه رم تاپارام

یا وورار اوچو منی

 گئجه لر آی گئجه لر

آی دوغار آی گئجه لر

سنی گؤرن گوزلریم

نه یاتار نه دینجه لر

گوللو گولوستان اوستونه

شئح دوشوب بوستان اوستونه

گئدین دئیین او تولکویه

گلمه سین آسلان اوستونه

آراز قیراغیندایام

چشمی – چیراغیندایام

قارداشیم او تایدادیر

اونون سراغیندایام

پاردی تاتار منی

قول ائدیب ساتار منی

یاریم وفالی اولسا

آختاریب تاپار منی

پنجره‌نین میللری

آچیب قیزیل گوللری

اوغلانی یولدان ائیلر

قیزین شیرین دیللره

آرازی آییـــردیـــلار

قومــولان دؤیـوردولار

من سندن آیریلمـازدیم

ظـولم ایـله آییــردیلا

قؤیون سؤنا اؤیناسین

دؤنه دؤنه اؤیناسین

گتسین ائوین یؤخلاسین

گه­نه­ده گلیپ اؤیناسین

باکى چى نین سؤزى ، سوْوى ، کاغیذى

اینکلرین بولاماسى ، آغوزى

چرشنبه نین گیردکانى ، مویزى

قیزلار دییه ر : « آتیل ماتیل چرشنبه

آینا تکین بختیم آچیل چرشنبه »