سن،
یانغین دادینی آنلامایان کول.
بیر پولیس کیمی دوشونجه شعریمه
قانلی ساواشلاردان قورتولان اوره ییمی
اؤلدوردون.
سن،
بیلمه دن...
اومید وئر منه!
اینام وئر منه!
یامان داریخیر،
سفره چیخیر
منیم کؤنلومده‌کی خیاللار یئنه،
بلدچی یئرینه اومید وئر منه.
دیلکلر اومیدله بیرگه دوغولسا،
یئرین ترکینده ده اوجالار اینسان.
آرزومو تاپماغا اومیدیم اولسا،
منزیل باشیندایام، یولا چیخمادان.
اومیدله قویارام داغی داغ اوسته.
ائی کؤنول، اؤزوندن سن اومید ایسته!..
ایندی‌یه دک
گونش‌له یاغیش بیر یاتاقدا یاتماییب
یاغیش آتش‌له بیر صندلی‌ده اوتوروب عاییله آلبومونو سئیر ائتمه‌ییب
یئل‌له شمع آلوونون تانگوسو اوزون سورمه‌ییب
پتک‌چی‌لریسه آری‌لارین قیشا حاضیرلادیغی بالی حؤرمت‌له اوغورلاییب‌لار
قیشین باهارا فانات اولدوغونو هئچ بیر آکادئمیک تئز انکار ائده بیلمه‌ییب
آنجاق
قیش چمدانی‌نی باغلامادان باهار گلمه‌ک اوچون بلیط آلماز
دئییرم آرزولاری بوراخیم
گئدیم،گله‌سن
بو فصیل سنین‌له داها گؤزل اولاجاق
بعضن گؤزل‌لییین نفعینه قیراغا چکیلمک گرک
بونو بیر بولودون وصیت‌نامه‌سینده اوخودوم
آیدیـــــــن آراز
اوره یینه دئه اوزولمه سین
سون یارپاق دا اوزولسه
قیش باشلاناجاق دیر
بیلمیرم نه دن یازا بیلمیرم
بیلمیرم نه دن یازا بیلمیرم
اوره گین توزون پوزا بیلمیرم
چالا بیلمیرم دویغولاریمی
نه گلیب یئنه سازا بیلمیرم
ایستیرم گلم تاپیلام سنده
آمما اؤزومدن آزا بیلمیرم
فرهاد دگیلم اورک سؤزومو
داشین اوستونه قازا بیلمیرم
سنسیز یانیرام آمما باخیشین
بورونوب نه دن بوزا بیلمیرم
عومورم گئچدی پاییزدا،قیشدا
نئچه ایل قالیب یازا،بیلمیرم
بیر اوجاق تیکه جکسن،
سؤندورمه یه نه وار کی؟
بیر آغاج اکه جکسن؛
سیندیرماغا نه وار کی؟
دادا داد وئره جکسن!
کوله، اود وئره جکسن!
قول-قاناد وئره جکسن!
سیندیرماغا نه وار کی؟
دورمادان، واراجاق سان،
یوللاری، ساراجاق سان،
یان-یانا دوراجاق سان!
یان دورماغا نه وار کی؟
قورتولماغا بوخوودان؛
آزاتمالی بو توودان!
های-داد سالیب آلوودان،
گئن دورماغا نه وار کی؟
گولوش اولاق دوداقدا!
اؤپوش اولاق یاناق دا!
باخیشلاری آیاق دا!
دوندورماغا نه وار کی؟
گؤروش منله!گؤر منی!
اؤپوش منله!سار منی!
حاضیرلانمیش خرمنی،
یاندیرماغا نه وار کی؟
سانما چوخ اوزاقدایام!
هاردا بیر ماسا گؤرسن اوستونده بیر بوتا گول،
دوزولموش ایکی قدح،
دولو سنسن ،بوش منم!
هاردا بیر قفس گؤرسن ایچینده بیر قوش قالیر ،
قریبسه نیر سوزالیر،
یقین بیل او، قوش منم!
چوخ اوزاقدا دئییلم،
کؤکسوندن قوپان بیر آه!
اونودولموش بیر گولوش!
اوره کدن کئچن گؤروش!
گیزلینجه دوداغیندان آلینان اؤپوش منم!
قارانلیق گئجه‌لرده یاسدیغا باش قویاندا ،
کیپریک‌لرین اوجوندان،
دامجیلایان یاش منم!
هارداسا باشماغینین اوجونا داش توخونسا !
سئوینجیندن داشلانان،
او،بختور داش منم !!
سانما چوخ اوزاقدایام!
سنله واراقلاییرام اؤتوب-کئچن آنلاری،
سنله خاطیرلاییرام دؤنه-دؤنه اونلاری،
من باشقا بیر دونیادا،
من باشقا بیر چاغدایام!
من سنین ایچینده‌یم!!
سانما چوخ اوزاقدایام!
سانما چوخ اوزاقدایام!!
هاردا بیر ماسا گؤرسن اوستونده بیر بوتا گول،
دوزولموش ایکی قدح،
دولو سنسن ،بوش منم!
هاردا بیر قفس گؤرسن ایچینده بیر قوش قالیر ،
قریبسه نیر سوزالیر،
یقین بیل او، قوش منم!
چوخ اوزاقدا دئییلم،
کؤکسوندن قوپان بیر آه!
اونودولموش بیر گولوش!
اوره کدن کئچن گؤروش!
گیزلینجه دوداغیندان آلینان اؤپوش منم!
قارانلیق گئجه‌لرده یاسدیغا باش قویاندا ،
کیپریک‌لرین اوجوندان،
دامجیلایان یاش منم!
هارداسا باشماغینین اوجونا داش توخونسا !
سئوینجیندن داشلانان،
او،بختور داش منم !!
سانما چوخ اوزاقدایام!
سنله واراقلاییرام اؤتوب-کئچن آنلاری،
سنله خاطیرلاییرام دؤنه-دؤنه اونلاری،
من باشقا بیر دونیادا،
من باشقا بیر چاغدایام!
من سنین ایچینده‌یم!!
سانما چوخ اوزاقدایام!
سانما چوخ اوزاقدایام!!
واختیندا اوزالدیب کمک الینی
وئرمه دین منیم له ال اله دونیا
نه ییمه لازیم دی واختی کئچنده
گؤیدن قیزیل یاغدیر لعل اله دونیا
یولسوز یوخوشلاردا یوردون بیزلری
آهین لا قوروتدون گؤی دنیزلری
قوی کسسین چیگنیمی کندیر ایزلری
دردی درد اوستوندن شله له دونیا
آجی یئل اوستومدن اسدیکجه اسدی
قار یاغدی یولومو باغلادی کسدی
گل منی یاندیرما بو قدر بسدی
من کی نه کرمم نه له له دونیا
آشیلماز داغلاری من نئجه آشیم
زلیم خان ، غصه دن چاتیلیب قاشیم
او سنین داشین دی بو منیم باشیم
نه قدر ایسته سن گل اله دونیا
قلبیم ده سنین منده سنین جان دا سنین دیر
ییخسان داغیدیب محو ائدیب آتسان دا سنین دیر
گوندوزلری هیجرانینا یوخ تابی-توانیم
هیجران گئجه سینده نه جفا چکمه دی جانیم!
سن گول منه گول! گول بوحیاتین اوءزو گولسون
بال شهدی-لبیندن سوزولوب شعره توءکولسون
آچ زولفونو قوی دان یئری چوءهره نده سوءکولسون
قوربان دیله سین جان دیله سین جان دا سنین دیر
وبلاقا گؤره
اولو تانرنین آدیلا بو وئبلاق دا آزربایجان و ایران دا یاشایان تورکلرین دیل، مدنیت، فولکلور، کولتور و تاریخینی تانیتدیرماغا چالیشاجایخ
سون یازیلار
بؤلوملر
آچارسؤزلر
سورغو
باغلانتی لار
ساخلانج
سایغاج
- ایندی وبلاقدا :
- بو گونون گؤروشو :
- دونه نین گؤروشو:
- بو آیین گؤروشو :
- بوتون گؤروشلر :
- یازیلار :
- باخیشلار :
- یئنیله مه چاغی :