آردیجیللیق و یا سسلی لرین بیری-بیرینین دالینجا گئلمه سی قانونو (توالی قانونو )


اصیل تورکجه کلمه لرینده سسلی لر هر جور گئلدی اولماز،اونون معین قانونو و ترتیبی واردیر

دیلیمیزین اؤز سؤزلری،مختلیف جنسلی رنگلی و حجملی اینجی لردن دوزلمیش بویونباغی کیمیدیر . نئجه کی، بو مرواریدلر معین ترتیبله دوزولمه سه لر،بویونباغی دوزلمز،ائله جه ده اصیل تورکجه سؤزلری او زامان دوزدورلر کی،سسلی لر معین ترتیبله دوزولسون

بو ترتیبه " آردیجیلیق،یا سسلی لرین بیری-بیرینین دالینجا گئلمه سی قانونو " دئییلیر.

توالی قانونو،یوخاریدا گؤردو گوموز آهنگ قانونونون طبیعی محصولدور.یعنی اگر تورکجه

کلمه سینین بیرینجی سسلیسینی بیلسک،آهنگ قانونونون یاردیمیلا،سونراکی هئجالاردا گئلن سسلی لری ده تعیین ائده بیلیریک .دئمک،تورکجه کلمه لرینده سونرا کی هئجالارین سسلی لری بیرینجی هئجادا کی سسلییه تابع اولار .

بو قانونو مهم بیر جهتی اوندان عبارت دیر کی،دوققوز سسلیمیزدن اوچو،یعنی(ئ-و-ؤ ) تورکجه کلمه لرین فقط بیرینجی هئجاسیندا گئلر و سونرا کی هئجالاردا تکرار اولمازلار.

آردیجیللیق قانونونو اؤیرندیکدن سونرا کلمه لرده بیرینجی سسلینین علامتینی قویماق کفایت دیر و سونرا کی سسلی لرین علامت لرینه احتیاج یوخدور،چونکه بو قانونا گؤره معلومدور.آنجاق اون لارین اساس حرف لرینی یازماق حتما لازیمدیر.

شنبه 16 اسفند 1393