نئچه دیل بیله نه نئچه اینسان دئییلیر

اؤز دیلینی بیلمه یه نه نئجه اینسان دئییلیر؟؟

تورک دیلی دونیادا نفوس باخیمیندان 5 جی سیرادادیر،220 میلیون نفر تورکجه دانیشیر

تورک آغیزلاری 6 قولا آیریلیر: 1)بولقار 2)اوغوز 3)قیبچاق 4)قارلوق 5)اویغور 6)قیرغیز

آزربایجان تورکجه سی،آنادولو تورکجه سی،خوراسان تورکجه سی و تورکمن تورکجه سی

بیرلیکده اوغوز قولونداندیرلار.

دونیا دیل ری 4 قوروپا بؤلونمکده دیر: 1-تک هئجالی(چین،تبت،آسیانین جنوب شرقی دیل لری)

2-تحلیلی(هیند،فارس،کوردی،ائرمنی،روسی و اوروپا دیل لری )

3-قالبی(عربی،عبری،آشوری دیل لری)

4-التصاقی(تورک،فنلاند،مجار،کره،منچور دیل لری)

دونیادا چوخلو دیل تاریخ بویو اؤزونه اؤزل الیفباسی اولماییب

اؤرنیین فارس دیلی هخامنیش دؤنمینده ایلام،ساسانی دؤنمینده آرامی و ایسلامدان سونرا

عرب الیفباسی ایله یازیلمیشدیر.

بو گون دونیانین ان آدلیم و ایشلک دیلی اولان اینگیلیسجه بئله اؤزونه الیفباسی اولمامیش

و لاتین الیفباسیندان یارارلانمیشدیر.

تورک دیلینه گلدیکده،تورک لر اؤزلری یاراتدیقلاری اورخون-یئنی سئی و اویغور الیفباسیندان

یارارلانمیشلار سونرا ایسه بو الیفبالاردان عرب الیفباسینا کئچمیشلر.

چاغداش دؤنمده ایسه 7 باغیمسیز تورک اؤلکه سی یانی آزربایجان،تورکیه،قوزئی قیبریس،

قازاغیستان،تورکمنیستان،اؤزبکیستان و قیرغیزستاندا لاتین الیفباسی ایشلنیر،

روسیه فئدراسیونوندا اولان باشقورد،داغیستان،چئچئنیستان،تاتاریستان،چوواش........

ویلایت لرینده کیریل الیفباسی،دوغو تورکیستان(چین ده اویغور تورک لرینه عایید اولان

موختار بؤلگه)،گونئی آزربایجان و عراق دا آزربایجان کؤکلو تورکمن لر ایسه عرب الیفباسی

ایشلتمکده دیرلر.