ایسته میره م یار آغلاسین،چال تاری قوی تار آغلاسین
گول اویناسین خارآغلاسین،بوغازگولسون دارآغلاسین!
قوی یئره غم پیاله سین ،سیل گوزونون شلا له سین
آل گونشین حواله سین، شاخ قارا قوی قار آغلاسین
یارنه دن آغلاسین گرک؟،بویون بوکولسون آی فلک
دویونجا قویمادین گولک،سیخ ناری قوی نار آغلاسین
خزان یئلی اسن زامان،شخته آمان کسن زامان
یار یاریلان کوسن زامان،کیمسه کیمیم وار آغلاسین
توزدی دوماندی فیرتانا،اود یاغیلیب گولوستانا
دؤندر اوزون شبستانا ،ساغره یالوار آغلاسین
صبحه تیکیلدی گؤزلریم،داغلاری آشدی سؤزلریم
گیزلین آلوودی کؤزلریم، نی اؤلدی نیزار آغلاسین
ساقی گتیر قدح لرین،سرخوش اولاق درین درین
سئوگی توتا کینین یئرین،کین اؤزی زارزار آغلاسین
دریالارا اوزان آراز،جوم درینه قالما دیاز
مرکّب اول سؤزلری یا ز،داغ دا بولاق لار آغلاسین
تام حقوق لار قورونور.
آرزوبلاق دان گوج آلیب.
