تــاریــخ دولـــوسو گــوجـلـودیـلـیـم واردی داریخما

داغــــــلاردا گـــورولـتـو نـفـسیـم واردی داریخما

یـــوردوم یــــووامین تـــوپــراغـیـنا اَیری باخانلار

بیلسین جان آلان قـــووه لــــریـــم واردی داریخما

دون باخ بــو ائـلـیـن کچمیشینه گـور هارا چاتمیش

اولـدوز سایــاراق ذیــروه لـــــریم واردی داریخما

گـور کـی بیز اجانیب لــره باج وئرمه میشوق هچ

اولـکـه مده منـیـم خــون جـگـریـم واردی داریخما

پــــــــروا ائـلـه مـه دوشمنیوون یـــاوه سوزون دن

آذر ائـــــلی تـک همسفریـــــــــــم واردی داریخما

یـئـرسیـز دئـیـری دونـیـا بـیـزیـم حـیـرانـیـمـیـزدی

ارکــیـم سایــاقـــی چـــوخ اثــریـم واردی داریخما

بـــو شن دیـاریـن توپراغـی مرجان دی قیزیـل دی

تــبـریـــز کـیـمی سالار شهریـــــم واردی داریخما

بیز فـخـر ائـلـیروق خـلـقـیـمـیـزه عاریـفی چوخدی

شعریــــن آقاسی شهریــاریـــــــــم واردی داریخما

پــرویـــن خـانـمـیـن شوهــرتـیـنی سالـما نـظــردن

گــــول باغـلاریـــنـا بـاخـچـابـانـیـم واردی دارخما

روشدییه نــی گــــور مدرسه نـــی مکـتـبـه قـاتـدی

طاهیر کـیـمی صاحیب هـونـریـــم واردی داریخما

ستتار اگــــــــــــــر خـان لـقـبـیـن آلـدی ائـل یـنـدن

ستتاره دایـاق لاپ بـتـریـــــــــــــم واردی داریخما

هــر طایفا سئـوه ر اوز دیـلـیـنی ذیــرویـه چاتسین

دیل لـــــــــر آراسی تاج سریــــــم واردی داریخما

تــورکـــون دیلینه قــوربـان اولـوم شهد و شکردی

وصفـیـنـده اونـون چــوخ یـازانـیـم واردی داریخما

اینجه دوزولـــــــر دیل ده اوشاق تـورکــو دانیشسا

اودلار تــــــوره دن شن وطــنـیـم واردی داریخما

قـیسساد سوزووی بسدی (کیان) حـوصلـن اولسون

سون گون لـــــره آزاده لــــــــریـم واردی داریخما